Ruke ruke se qadam ruk ke baar baar chale
qarar de ke tere dar se beqarar chale
qarar de ke tere dar se beqarar chale
Uthaye phirte the ehsaan jism ka jaan par
chale jahan se toh yeh pairahan utaar chale
chale jahan se toh yeh pairahan utaar chale
Sehar na aayee kai baar neend se jaag gaye
so raat raat ki yeh zindagi guzaar chale
so raat raat ki yeh zindagi guzaar chale
Mili hai shama se yeh rasm-e-aashiqui ham ko
gunah haath pe le kar gunahgaar chale
gunah haath pe le kar gunahgaar chale
No comments:
Post a Comment