Lagta nahi k sath nibhae ga dair tak,

Lagta nahi k sath nibhaega dair tak,
Lekin wo muJh ko bhool na paega dair tak.

Jo bhi qareeb aaega us ke usay zarur,
wo meri dastaan sunaega dair tak.

Dhonde ga wo muJhe inhi galiyon me aik din
Dhonde ga,or muJh ko na paega dair tak.

Me sahilon ki rait pe likhungi us ka naam,
Wo pani pe mere naqsh banaega dair tak.

Kis haal mein hoon us ke baad main,
Sun kar usey yaqeen na Aaega dair tak.

Fir se ek baar dil me tera hone ki tamanna hai

Fir se ek baar dil me tera hone ki tamanna hai
Tumhare hi khayalo’n me khone ki tamanna hai

Muddat se in aankho’n me tarawish nahi jhalki,
Aakar fir se rula jao, ke fir rone ki tamanna hai

Fir is dil-a-nada’n me, dard ki hawas jaagi hai,
Tasbeeh-a-hayat me azeeyat pirone ki tamanna hai

Khuda ka wasta, tum mujhpe koi reham na karna,
Fir dil ko ghamo’n ka bojh dhone ki tamanna hai

Main hansta khelta aayine ko bhi achha nahi lagta,
Aankho’n ko ashko’n se ab bhigone ki tamanna hai

Humare dil se fir khelo aur fir todkar chal do Karan,
Gar tumko apne is pasandida khilone ki tamanna hai

Meri Zindagi Main Khuda Ke Baad Ho Tum

Meri Zindagi Main Khuda Ke Baad Ho Tum
Her Pal ,Her Jagah,Her Ghari, Yaad Ho Tum
Meri Zeesth Ka Hasil Ho Tum
Meri Zaat Main Shamil Ho Tum
Tum Hi Roop,Tum Hi Darpan
Tum Hi Jeewan Ka Sundarpan
Tum Hi Jeenay Ka Sahara Ho
Tum Hi Sahil Ka Kinara Ho
Tum Hi Chahat Ka Asmaan
Tum Hi Zakhmoon Ka Darmaan
Tum Hi Rooh Ka Karwaan
Tum Hi Se Hai Zindagi Darakhshaan
Tum Hi Is Dil Ki Dharkan Ho
Tum Hi Jeenay Ka Kaaran Ho
Tum Hi Dhoop,Tum Hi Chaaoon
Tumhray Bin Main Reh Na Paaoon
Tum Hi Ratjagoon Ka Hasil Ho
Tum Hi Raastoon Ki Manzil Ho
Tum Hi Ho Meri Raahguzar
Tum Hi Mehboob,Tum Hi Hamsafar

Aankho Se Toote Hai Sitare To Kya Hua

Aankho Se Toote Hai Sitare To Kya Hua,
Chalte Nahi Wo Saath Humare To Kya Hua,

Toofan Ki Zad Me Azm Mere Saath Saath Tha,
Kashti Ko Mil Sake Na Kinara To Kya Hua,

Tanhaiyo Ne Mujh Ko Gale Se Laga Liya,
Wo Ban Sake Na Dil Se Hamare To Kya Hua,

Sau Hausle Hamare Kadam Chumte Hai,
Kuch Be-sukoon Raat Guzare To Kya Hua,

Manzil Bhi Karwaa Bhi Musafir Bhi Khud Raha,
Saathi Bane Na Chaand Sitare To Kya Hua.

Yaarana Achcha Lagta Hai..

Ajeeb Daastan Hoti Hai DOSTI Ki,
LADNA MILNE Se Bhi Achcha Lagta Hai..

LAD Ke Manane Wale Bhi Hote Hai,
Kuch Ko CHIDHANA Achcha Lagta Hai..

Dost Ke MUH Se Kuch Sun-Ne Ke Liye,
Kabhi Jhuk Jana Achcha Lagta Hai..

SAFAR Train Ka Ho Ya Zindagi Ka,
Khamosh RehKar Muskurana Achcha Lagta Hai…

DOSTO Me Hi Lagta Hai Mil Gai Puri Duniya,
Baki Sab Bhool Jaana Achcha Lagta Hai,

DOSTO Tum Hamesha Saath Rahna

Tumhara Yaarana Achcha Lagta Hai..

Mujhe Tan Se Zyada Us Kaa Mann Achcha Laga Tha

Mujhe Tan Se Zyada, Us Ka Mann Achcha Laga Tha
Aur Us Ki Shakhsiyat Ka Baankpan Achcha Laga Thaa

Gharaz Mujh Ko Nahin Thi Zaahirii Surat Se Us Ki
Mujhe To Sirf Andaz-e-sukhan Achcha Laga Tha

Vo Sidhi Baat Bhi Kartaa Tha Aksar Shaayri Me
Mujhe Uss Kaa Yehi Diwaanaapan Achcha Laga Tha

Zamaanaa Keh Rahaa Thaa Us Ke Baare Men Fasane
Magar Mujh Ko To Us Kaa Har Chalan Achcha Laga Tha

Dhanak Ke Rang Hi Bhaate Hain Aksar Larkiyon Ko
Mujhe Toh Eik Saadaa Pairahan Achcha Lagaa Tha

Bane Alfaaz Angaare Tau Ab Hairaan Huun Main
Ke Us Lahje Kaa Mujh Ko Dhiimaapan Achcha Lagaa Tha

Mire Baalon Ki Chaandii Se Gurezaa Aaj Hai Woh
Jise Kal Mera Chaandii Saa Badan Achcha Lagaa Tha

Vo Jis Dam Us Ne Mujh Se Khelne Ko Chaand Maangaa
Mujhe Bachche Kaa Apne, Bholaapan Achcha Lagaa Tha

Pariindaa Laut Ke Vaapas Qafas Mein Aa Gayaa Hai
Jise Phailaa Huvaa Niilaa Gagan Achcha Lagaa Tha

Mat puchhiye kyon paon mein raftaar nahi hai

Ye karwaa'n manzil ka talabgaar nahi hai

Humse dosti karne ki naa socho tum 

Ye dil mera dard ka darbaar hai bazaar nahi hai 

Dosti ki aad mein hamare dard se kheloge tum 

Humein aise sahare ki darkaar nahi hai 

Hum bhula ke usse zindagi ki raah mein 

Aage jaane ke liye shayad taiyaar nahi hai

Ab Main Mushkurana Chahta Hoon

Use Main Bhul Jana Chahta Hoon

Suno Main Mushkurana Chahta Hoon

Dukhi Rehne Ki Aadat Ho Gai Hai

Mager Ab Gungunana chahta Hoon

Puraney Sab Ta'aluq Tod Kar Ab

Nai Duniya Basana Chahta Hoon

Woh Nazmen Paaon Se Lipti Hain Lakin

Main Unse Jaan Churana Chahta Hoon

Woh Sab Tohfey Woh Sukhey Phul Sare

Main Ab Un Ko Jalana Chahta Hoon

Main Utna Pass Aata Hu Tumharey

Main Jitna Dur Jana Chahta Hoon

Mere Hamdam, Haqiqat Hai Yeh Meri

Main Teray Pass Aana Chahta Hoon

Ubharne Ki Koi Khwahish Nahi Hai

Ke Ab Main Doob Jana Chahta Hoon

kho gaya jo ussay dhoond ke laaoon kaisay

kho gaya jo ussay dhoond ke laaoon kaisay

laapata ka pata sabko bataoon kaisay 

woh toh kehta hai chalo saath saffar kartay hain

saath chalta hoon magar saath nibhaoon kaisay 

meray alfaaz mein woh apni ghazal kaisay kahay?

apni aankhon se ussay khawab dikhaoon kaisay 

woh jo hota toh har roz jashan sa hota

uske jaanay pe ab eid manaooun kaisay 

tu meri yaad mein har roz chala aata hai

sochta hoon main teri yaad mein aaoon kaisay 

kab se aangan mein bahaarein nahi aayee hain

khushk phoolon se main ghar ko sajaoon kaisay 

kaisay beh jaoon phir teri soch k dhaaray mein

lot aya hoon ab uss simt ko jaaoon kaisay 

jhoot sun-nay ke aadi hain meray sheher ke log

kyun kahoon such aur unko rulaaoon kaisay 

dil jo roothay toh teri yaad mana leti thee

yaad roothi hai ab isko manaoon kaisay

Bichhda Hai Ek Baar Toh

Bichhda Hai Ek Baar To Milte Nahin Dekha

Is Zakhm Ko Hamne Kabhi Silte Nahin Dekha 

Ik Baar Jise Chaat Gayi Dhoop Ki Khwaahish

Phir Shaakh Pe Us Phool Ko Khilte Nahin Dekha 

Yakhlakht Gira Hai To Jadein Nikal Aayien

Jis Ped Ko Aandhi Mein Bhi Hilte Nahin Dekha 

Kaanton Mein Ghire Phool Ko Choom Aayegi Lekin

Titli Ke Paron Ko Kabhi Chhilte Nahin Dekha 

Kis Tarah Meri Rooh Har Kar Gaya Aakhir

Woh Zeher Jise Jism Mein Khilte Nahin Dekha

Ghazal of Khumar Barabankvi

durii ke Gam kuchh aur sivaa ho ke rah gaye

ham un se kyaa mile ke judaa ho ke rah gaye

khoye hue the der se vo merii yaad mein

mujh par nazar parii to Khafaa ho ke rah gaye

phir doston ko main ne pai mashq de diye

jo tiir mujh tak aaye Khataa ho ke rah gaye

majabuur ho ke maangii thii lutf-o-karam kii bhiik

lutf-o-karam bhii jor-o-jafaa ho ke rah gaye

ab kyaa rahaa tere liye ai ishq naamuraad

ab vo bhii mubtilaa-e-vafaa ho ke rah gaye

Allaah aaiinaa to kabhii dekh lo 'Khumaar'

tum kyaa the aur ishq mein kyaa ho ke rah gaye

(Khumar Barabankvi)

haal-e-Gam un ko sunaate jaayiye

shart ye hai ke muskuraate jaayiye

aap ko jaate na dekhaa jaayegaa

shammaa ko pahale bujhaate jaayiye

shukriyaa lutf-e-musal_sal kaa magar

gaahe gaahe dil ko dukhaate jaayiye

dushmano.n se pyaar hotaa jaayegaa

dosto.n ko aazamaate jaayiye

raushnii mahaduud ho jin kii 'Khumaar'

un charaaGo.n ko bujhaate jaayiye

(Khumar Barabankvi)

mujh ko shikast-e-dil kaa mazaa yaad aa gayaa

tum kyo.n udaas ho kyaa yaad aa gayaa

kahane ko zindagii thii bahut muKhtasar magar

kuchh yuu.N basar huii ke Khudaa yaad aa gayaa

vaa_iz salaam le ke chalaa maikade ko mai.n

firdaus-e-gum_shudaa kaa pataa yaad aa gaya

barase baGair hii jo ghaTaa ghir ke khul ga_ii

ek bevafaa kaa ahd-e-vafaa yaad aa gayaa

maa.Nge.nge ab duaa ke use bhuul jaaye.n ham

lekin jo vo bevaqt-e-duaa yaad aa gayaa

hairat hai tum ko dekh ke masjid me.n ai 'Khumar'

kyaa baat ho ga_ii jo Khudaa yaad aa gayaa

(Khumar Barabankvi)

tasviir banaataa huu.N tasviir nahii.n banatii

tasviir banaataa huu.N tasviir nahii.n banatii

ek khvaab saa dekhaa hai taabiir nahii.n banatii

bedard muhabbat kaa itanaa saa hai afasaanaa

nazaro.n se milii nazare.n mai.n ho gayaa diivaanaa

ab dil ke bahalane kii tadabiir nahii.n banatii

dam bhar ke liye merii duniyaa me.n chale aao

tarasii huii aa.Nkho.n ko phir shaql dikhaa jaao

mujhase to merii biga.Dii taqadiir nahii.n banatii

(Khumar Barabankvi)

ek pal me.n ek sadii kaa mazaa ham se puuchhiye

do din kii zindagii kaa mazaa ham se puuchhiye

bhuule hai.n unhe.n raftaa raftaa mudatto.n me.n ham

qishto.n me.n Khud_kushii kaa mazaa ham se puuchhiye

aaGaaz-e-aashiqii kaa mazaa aap jaaniye

anjaam-e-aashiqii kaa mazaa ham se puuchhiye

jalate diyo.n me.n jalate gharo.n jaise zau kahaa.N

sarakar raushnii kaa mazaa ham se puuchhiye

vo jaan hii gaye ke hame.n un se pyaar hai

aa.Nkho.n kii muKhbarii kaa mazaa ham se puuchhiye

ha.Nsane kaa shauq ham ko bhii thaa aap kii tarah

ha.Nsiye magar ha.Nsii kaa mazaa ham se puuchhiye

ham taubaa kar ke mar gaye bemaut ai 'Khumar'

tauhiin-e-maikashii kaa mazaa ham se puuchhiye

(Khumar Barabankvi)

bujh gayaa dil hayaat baaqii hai

chhup gayaa chaa.Nd raat baaqii hai

hal-e-dil un se kah chuke sau baar

ab bhii kahane kii baat baaqii hai

raat baaqii thii jab vo bichha.De the

kaT ga_ii umr raat baaqii hai

ishq me.n ham nibhaa chuke sab se ai 'Khumar'

bas ek zaalim hayaat baaqii hai

(Khumar Barabankvi)

hijr kii shab hai aur ujaalaa hai

kyaa tasavvur bhii luTane vaalaa hai

Gham to hai ain zindagii lekin

Gham_gusaaro.n ne maar Daalaa hai

ishq majabuur-o-naamuraad sahii

phir bhii zaalim kaa bol_baalaa hai

dekh kar barq kii pareshaanii

aashiyaa.n Khud hii phuu.Nk Daalaa hai

kitane ashko.n ko kitanii aaho.n ko

ik tabassum me.n us ne Dhaalaa hai

terii baato.n ko mai.n ne ai vaa_iz

ahataraamaa ha.Nsii me.n Taalaa hai

maut aaye to din phire shaayad

zindagii ne to maar Daalaa hai

sher nazme.n shaguftagii mastii

Gam kaa jo ruup hai niraalaa hai

laGziishe.n muskuraa_ii hai.n kyaa kyaa

hosh ne jab mujhe sambhaalaa hai

dam andhere me.n ghuT rahaa hai Khumaar

aur chaaro.n taraf ujaalaa hai

(Khumar Barabankvi)

aisaa nahii.n ki un se mohabbat nahii.n rahii

jazbaat me.n vo pahalii sii shiddat nahii.n rahii

sar me.n vo intazaar kaa saudaa nahii.n rahaa

dil par vo dha.Dakano.n kii hukuumat nahii.n rahii

paiham tavaaf-e-kuuchaa-e-jaanaa ke din gaye

pairo.n me.n chalane phirane kii taaqat nahii.n rahii

chehare kii jhurriyo.n ne bhayaanak banaa diyaa

aa_iinaa dekhane kii bhii himmat nahii.n rahii

kam_zorii-e-nigaah ne sanjiidaa kar diya

jalvo.n se chhe.D-chhaa.D kii aadat nahii.n rahii

allaah jaane maut kahaa.N mar ga_ii 'Khumar'

ab mujh ko zindagii kii zaruurat nahii.n rahii

(Khumar Barabankvi)

ham unhe.n vo hame.n bhulaa baiThe

do gunah_gaar zahar khaa baiThe

haal-e-Gam kah kah ke Gam ba.Dhaa baiThe

tiir maare the tiir khaa baiThe

aa.Ndhiyo.n jaao ab aaraam karo

ham Khud apanaaa diyaa bujhaa baiThe

jii to halkaa huaa magar yaaro

ro ke ham lutf-e-Gam ba.Dhaa baiThe

besahaaro.n kaa hausalaa hii kyaa

ghar me.n ghabaraaye dar pe aa baiThe

jab se bichha.De vo muskuraaye na ham

sab ne chhe.Daa to lab hilaa baiThe

ham rahe mubtalaa-e-dair-o-haram

vo dabe paao.N dil me.n aa baiThe

uTh ke ik bevafaa ne de dii jaan

rah gaye saare baavafaa baiThe

hashr kaa din hai abhii duur 'Khumar'

aap kyo.n zaahido.n me.n jaa baiThe

(Khumar Barabankvi)

ha.Nsane vaale ab ek kaam kare.n

jashn giriyaa kaa ahatamaam kare.n

ham bhii kar le.n jo raushanii ghar mei.n

phir a.ndhere kahaa.n qayaam kare.n

mujh ko maharuumii-e-nazaaraa qabuul

aap jalave na aap ke aam kare.n

ik guzaarish hai hazarat-e-naaseh

aap ab aur ko_ii kaam kare.n

aa chale.n us ke dar pe ab ai dil

zindagii kaa safar tamaam kare.n

haath haTataa nahii.n hai dil se 'Khumar'

ham unhei.n kis tarah salaam kare.n

(Khumar Barabankvi)

Ghazals of Khumar Barabankvi

woh hamei.n jis qadar aazamaate rahe

apnii hii mushkilo.n ko badhaate rahe

woh akele mei.n bhii jo lajaate rahe

ho na ho un ko ham yaad aate rahe

yaad karne par bhii dost aaye na yaad

dosto.n ke karam yaad aate rahe

aa.Nkhe.n suukhii hu_ii nadiyaa.N ban ga_ii.n

aur tuufaan badsatuur aate rahe

pyaar se un kaa inkaar bar-haq magar

lab ye kyuu.N der tak thar-tharaate rahe

thii.n to kamaane.n haatho.n mei.n aGyaar ke

tiir magar apano.n kii jaanib se aate rahe

kar liyaa sab ne ham se kinaaraa magar

ek naaseh Ghariib aate jaate rahe

maikade se nikal kar janaab-e-'Khumar'

qaabaa-o-dair mei.n Khaak u.Daate rahe

na haaraa hai ishq na duniyaa thakii hai

diyaa jal rahaa hai havaa chal rahii hai

sukuun hii sukuun hai Khushii hii Khushii hai

teraa Gham salaamat mujhe kyaa kamii hai

charaaGo.n ke badale makaa.N jal rahe hai.n

nayaa hai zamaanaa na_ii raushanii hai

are o jafaao.n pe chup rahane vaalo.n

Khaamoshii jafaao.n kii taa_iid bhii hai

mere rah_bar mujh ko gum_raah kar de

sunaa hai ki manzil qariib aa ga_ii hai

'Khumar' ek baalaanosh tuu aur taubaa

tujhe zaahido.n kii nazar lag ga_ii hai

kabhii jo mai.n ne masarrat kaa ehatamaam kiyaa

bare Tappak se Gham ne mujhe salaam kiyaa

hazaar tark-e-ta'alluq kaa ehatamaam kiyaa

magar jahaaN vo mile dil ne apanaa kaam kiyaa

zamaane vaalon ke Dar se uThaa na haath magar

nazar se us ne basad maazarat salaam kiyaa

kabhii haNse kabhii aahen bhariin kabhii roye

baqadr-e-martabaa har Gham kaa ehataraam kiyaa

hamaare hisse kii may kaam aaye pyaason ke

zer-e-raah-e-Khair gunaah shikast-e-jaam kiyaa

tuluu-e-mahar se bhii ghar ki tiiragii na ghaTii

ek aur shab kaTii yaa mai.n ne din tamaam kiyaa

duaa ye hai ke na huuN gum_raah ham_safar mere

'Khumar' mai.n ne to apanaa safar tamaam kiyaa

kyaa huaa husn ham_safar hai yaa nahiin

ishq manzil hii manzil hai raastaa nahiin

Gham chhupaane se chhup jaaye aisaa nahiin

beKhabar tuu ne aaiinaa dekhaa nahiin

do parinde ure aaNkh nam ho gaii

aaj samajhaa ke main tujh ko bhuulaa nahiin

ahal-e-manzil abhii se na mujh par haNso

paaoN TuuTe hain dil meraa TuuTaa nahiin

tark-e-may ko abhii din hii kitane huye

aur kuchh kahaa may ko zaahid to achchhaa nahiin

chhor bhii de ab meraa saath ai zindagii

mujh ko nadaamat hai tujh se shikvaa nahiin

tuune taubaa to kar lii magar ai 'Khumar'

tujh ko rahamat par shaayad bharosaa nahiin

vahii phir mujhe yaad aane lage hai.n

jinhei.n bhulaane mei.n zamaane lage hai.n

vo hai.n paas aur yaad aane lage hai.n

muhabbat ke hosh ab Thikaane lage hai.n

sunaa hai hame.n vo bhulaane lage hai.n

to kyaa ham unhe.n yaad aane lage hai.n

haTaaye the jo raaste se dosto.n kii

vo patthar mere ghar mei.n aane lage hai.n

ye kahanaa thaa un se muhabbat hai mujhako

ye kahane mei.n mujh ko zamaane lage hai.n

qayaamat yaqiinan qariib aa gaii hai

'Khumar' ab to masjid ko jaane lage hai.n

haal-e-Gam un ko sunaate jaayiye

shart ye hai ke muskuraate jaayiye

aap ko jaate na dekhaa jaayegaa

shammaa ko pahale bujhaate jaayiye

shukriyaa lutf-e-musal_sal kaa magar

gaahe gaahe dil ko dukhaate jaayiye

dushmano.n se pyaar hotaa jaayegaa

dosto.n ko aazamaate jaayiye

raushnii mahaduud ho jin kii 'Khumaar'

un charaaGo.n ko bujhaate jaayiye

vo savaa yaad aaye bhulaane ke baad

zindagii barh gaii zahar khaane ke baad

dil sulagataa rahaa aashiyaane ke baad

aag ThanDii huii ik zamaane ke baad

raushanii ke liye ghar jalaanaa paraa

kaisii zulmat barhii tere jaane ke baad

jab na kuchh ban paraa arz-e-Gam kaa javaab

vo Khafaa ho gaye muskuraane ke baad

dushmanon se pashemaaaN honaa paraa hai

doston kaa Khuluus aazamaane ke baad

baKhsh de yaa rab ahal-e-havas ko bahisht

mujh ko kyaa chaahiye tum ko paane ke baad

kaise kaise gile yaad aaye 'Khumar'

un ke aane se qabl un ke jaane ke baad

vo jo aaye hayaat yaad aayii

bhuulii bisrii sii baat yaad aayii

haal-e-dil kah ke jab lauTe

unse kahne kii baat yaad aayii

aapne din banaa diyaa thaa jise

zindagii bhar vo raat yaad aayii

tere dar se uThe hii the ke hame.N

tangii-e-qaaynaat yaad aayii

ai maut! unhe.N bhulaaye zamaane guzar gaye

aa jaa ki zahar khaaye zamaane guzar gaye

O jaane vaale aa ki tere intazaar mei.N

raste ko ghar banaaye zamaane guzar gaye

Gham hai na ab Khushii hai na ummiid hai na aas

sab se najaat paaye zamaane guzar gaye

kyaa laayaq-e-sitam bhii nahii ab mai.N dosto.N

patthar bhii ghar mei.N aaye zamaane guzar gaye

jaane bahaar phuul nahii.N aadmii huu.N mai.N

aa jaa ki muskuraaye zamaane guzar gaye

kyaa kyaa tavaqqo_at thii aaho.N se ai 'Khumar'

ye tiir bhii chalaaye zamaane guzar gaye

husn jab meharbaa.N ho to kyaa kiijiye

ishq kii maGfirat kii duaa kiijiye

is saliiqe se un se gilaa kiijiye

jab gilaa kijiye ha.Ns diyaa kiijiye

duusaro.n pe agar tabsiiraa kiijiye

saamane aa_iinaa rakh liyaa kiijiye

aap sukh se hai.n tark-e-ta'alluq ke baad

itanii jaldii na ye faisalaa kiijiye

ko_ii dhokhaa na khaa jaaye meri tarah

aise khul ke na sab se milaa kiijiye

aql-o-dil apni apni kahe.N jab 'Khumar'

aql kii suniye dil kaa kahaa kiijiye



Jab se Us be-wafa se an-ban hai

zindagi, zindagi ki dushman hai

Un se kuchh kahne hi nahi.n deti

ye jo eik cheez dil ki dhadkan hai

Zabt-e-girya arre ma'asha Allah

jaise rag rag mei.N aag roshan hai

kis ke jalne ka tu ne zikr kiya

woh to humdam mera nasheman hai

kis se tu shikve kar raha hai Khumar

ye nadan tera hi daman hai

Akele Hain Wo Aur Jhunjula Rahe Hain

Meri Yaad Se Jung Farma Rahe Hain

Elahi mere dost hon khairiyat se

Ye kyon ghar mein pathar nahi aa rahe hain

Bahut khush hai gustakhiyon par hamari

Ba-zahir jo barham nazar aa rahe hain

Ye kaisi hawa-e-taraqee chali hai

Diye to diye, dil bujhe jaa rahe hain

Bahisht tasawur ke jalwe hain main hoon

Judaee salamat maze aa rahe hain

Baharon mein bhi mai se parhaiz tauba

Khumar aap kaafir huye jaa rahe hain

Qayamat Khaiz hai Uski Judaee Ka Sama.n Ab Tak

Qayamat Khaiz hai Uski Judaee Ka Sama.n Ab Tak

Nigahen Hain Meri Mannjumla Aah-o-faga.n Ab Tak

Ye Mana Apni Chashm-e-tar Darya Hai Ravaa.n Ab Tak

Magar Dil Mein Jo Toofan Tha, Wo Dil Mein Hai Niha.n Ab Tak

Ghum Nana Nahi Aalooda Aah-o-faga.n Ab Tak

Bahut Hi Shadmaan Hai Khatir Shadmaa.n Ab Tak

Hum unse Badghuman Hain Hum Se Wo Badghuma.n Ab Tak

Khuda Rakhe Mohabbat Ko, Mohabbat Hai Javaa.n Ab Tak

Hazaron Ashiyaan Ban Jaayenge Gulshan Jo Baqi Hai

Nahi Samjhe Ye Nukta Ashiqaane Ashiyaan Ab Tak

Jhatak Kar Daman Apna Tum Toh Rukhshat Ho Gaye Lekin

Nahi Sambhla Nahi Sambhala Khumar Natava.n Ab Tak

(Khumar Barabankvi)

Ankhon Ke Charagon Mein Ujale Na Rahenge

Ankhon Ke Charagon Mein Ujale Na Rahenge

Aa Jao Ke Phir Dekhne Wale Na Rahenge

Jaa Shauq se Lekin Palat Aane Ke Liye Jaa

Hum Dair Tak Apne Ko Sambhale Na Rahenge

Ai Zauq Safar Khair Ho Nazdeek Hai Manzil

Sab Kahte Hain Ab Paaon Mein Chhale Na Rahenge

Jin Naalon Ki Ho Jaye Ta Dost Rasaaee

Woh Sana hi Ban Jaaenge, Naale Na Rahenge

Shamen Jo Bujhen, Bujhne De Dil Bujhne Na Pae

Ye Shama Hoye Gul Toh Ujale Na Rahenge

Kyon Zulmate Ghum Se Ho Khumar Itne Pareshan

Baadal Ye Hamesha Hi Toh kaale Na Rahenge

(Khumar Barabankvi)

Karoge Yaad Toh Har Baat Yaad Aaye Gi

Karoge yaad toh har baat yaad aaye gi
guzarte waqt ki har mauj thehar jaaye gi

Yeh chand beete zamaano.N ka aa'eena hoga
bhatakte abar mei.N chehra koi bana hoga
udaas raah koi dastaa.N sunaaye gi

Karoge yaad toh har baat yaad aaye gi
guzarte waqt ki har mauj thehar jaye gi

Barasta bheegta mausam dhuwan dhuwan hoga
Pighalti shammo.N pe dil ka mere guma'n hoga
Hatheliyo.N ki heena yaad kuch dilaaye gi

Karoge yaad toh har baat yaad aaye gi
guzarte waqt ki har mauj thehar jaaye gi

Gali ke mod pe soona sa koi darwaaza
Tarasti aankho.N se rasta kisi ka dekhe ga
Nigah door talak ja ke laut aaye gi

Karoge yaad toh har baat yaad aaye gi
guzarte waqt ki har mauj thehar jaaye gi

کروگے یاد تو ہر بات یاد آے گی

گزرتے وقت کی ہر موج ٹھہر جائے گی

یہ چاند بیتے زمانوں کا آئینہ ہوگا

بھٹکتے ابر میں چہرہ کوئی بنا ہوگا

اداس راہ کوئی داستان سناے  گی

کروگے یاد تو ہر بات یاد آے گی

گزرتے وقت کی ہر موج ٹھہر جائے گی

برستا بھیگتا موسم دھواں دھواں ہوگا

پگھلتی شمعوں   پے دل کا میرے گمان ہوگا

ہتھیلیوں کی ہینا یاد کچھ دلاے  گی

کروگے یاد تو ہر بات یاد آے گی

گزرتے وقت کی ہر موج ٹھہر جائے گی

گلی کے موڈ پے سونا سا کوئی دروازہ

ترستی آنکھوں سے راستہ کسی کا دیکھ گا

نگاہ دور تلک جا کے لوٹ آے گی

کروگے یاد تو ہر بات یاد آے گی

گزرتے وقت کی ہر موج ٹھہر جائے گی

Ruke ruke se qadam ruk ke baar baar chale
qarar de ke tere dar se beqarar chale

Uthaye phirte the ehsaan jism ka jaan par
chale jahan se toh yeh pairahan utaar chale

Sehar na aayee kai baar neend se jaag gaye
so raat raat ki yeh zindagi guzaar chale

Mili hai shama se yeh rasm-e-aashiqui ham ko
gunah haath pe le kar gunahgaar chale

pyaar ka pahla khat likhne mein waqt to lagta ha
naye parindo.N ko oodne mein waqt to lagta ha

jism ki baat nahee.N thi un ke dil tak jana tha
lambi doori taey kerne mein waqt to lagta ha

ganth agar lag jaye toh rishte ho.N ya dori
lakh kare.N koshish khulne mein waqt to lagta ha

hum ne ilaj-e-dard-e-dil to dhoondh liya lekin
ghahre zakhmo.N ko bharne mei.N waqt to lagta ha  

Woh Ishq Jo Hum Se Rooth Gayaa

Woh Ishq jo hum se rooth gayaa ab us ka haal bataaye.N kya
Koi Mehar nahi koi Qahar nahi phir sachchaa sher sunaye.N kya

Eik hijr jo hum ko laahaq hai ta'a der Oose doharaaye.N kya
Woh Zahar jo dil mei.N utaar liya phir uske naaz uthaaye.N kya

Eik Aag ghum-e-tanhaee ki jo saare badan mei.N phail gaee
Jab jism hee sara jalta ho phir daman-e-dil ko bachaaye.N kya

Hum Naghmasaraa kuch ghazlon ke hum sura-gar kuch Khawabo.N ke
Bejazba-e-shauq sunaaye.N kya koi Khawab na ho toh bataye.N kya

Dhuaa.N bana ke fiza mei.N ooda diya mujh ko
Main jal raha tha kisi ne bujha diya mujh ko

Khada hoon aaj bhi Roti ke chaar harf leeye
Sawal yeh hai ke kitaabo.N ne kya diya mujh ko

Sufaid rang ki Chadar lapet kar mujh par
Faseel-e shehar par kisi ne saja diya mujh ko

Main eik zara bulandi ko chhoone nikla tha
Hawa ne tham ke zameen par gira diya mujh ko