Meri Aankhon Ko Soojhta Hee Nahi;
Ya Muqaddar Mein Raasta Hee Nahi;
Wo Bharay Sheher Mein Kisi Se Bhi;
Mere Baaray Mein Poochta Hee Nahi;
Phir Wohi Shaam Hai Wohi Hum Hain;
Haan Magar Dil Mein Honsla Hee Nahi;
Ham Chalay Os Ki Bazm Se Uth Kar;
Aur Wo Hai Ke Rokta Hee Nahi;
Dil Jo Ek Dost Tha Magar Wo Bhi;
Chup Ka Pathar Hai Bolta Hee Nahi;
Mein Tou Os Ki Talaash Mein Guum Hun;
Wo Kabhi Mujh Ko Dhoondta Hee Nahi!
~ Noshi Gilani
No comments:
Post a Comment